மூட்டு நோய்கள் என்றால் என்ன? | What Is Arthritis?

மூட்டு நோய்கள் என்றால் என்ன? | What Is Arthritis?

ஆர்த்ரைட்டிஸ் (மூட்டு நோய்கள்) என்பது மூட்டு இணைப்புகளைச் சேதப்படுத்தும் பல நோய்களைக் குறிக்கிறது.

மூட்டு இணைப்புகளை மூடி பாதுகாக்கும் மென்மையான திசுக்கள் தேய்ந்து எலும்புகள் ஒன்றுடன் ஒன்று உராய்ந்து கடும் வலியை உண்டாக்குகிறது.

ஆனால், ஆரோக்கியமற்ற எலும்பு மற்றும் தசை, அதிக உடற்பருமன், ஆரோக்கியமற்ற வாழ்க்கைமுறை மற்றும் பரம்பரை காரணங்கள் ஆகியவை இந்த திசு தேய்மானத்துக்குக் காரணமாக இருக்கின்றன என நம்பப்படுகிறது.

மூட்டு நோய்களின் பொதுவான வகைகள் ஆஸ்டியோ ஆர்த்ரைட்டிஸ் – இது நோய்க் கிருமிகள் மற்றும் மூப்பு, மூட்டு இணைப்புகளில் அடிபடுவதால் ஏற்படுகிறது.

ருமடாய்ட் ஆர்த்ரைட்டிஸ் – உடலின் நோய் எதிர்ப்புச் சக்தி உடலுக்கு எதிராகவே இயங்கும்போது இந்த நோய் ஏற்படுகிறது.

செப்டிக் ஆர்த்ரைட்டிஸ் – மூட்டு இணைப்புகளை நோய்க் கிருமிகள் தாக்கும்போது ஏற்படுகிறது.

கௌட்டி ஆர்த்ரைட்டிஸ் – இது யூரிக் அமிலத்தின் படிமங்கள் மூட்டு இணைப்புகளில் படிவதால் ஏற்படுகிறது.

மன அழுத்தம் எவ்வகையான மூட்டு நோயையும் அதிகப்படுத்துவதோடு, இதுவே நோய் ஏற்படுவதற்கும் முக்கியக் காரணமாகவும் அமைவதாக ஆய்வுக் குறிப்புகள் தெரிவிக்கின்றன.

மூட்டு நோய்களால் ஏற்படக்கூடிய பிரச்சனைகள் இந்த நோய் ஏற்படும்போது வலி, மூட்டு இணைப்புக்களை அசைக்க முடியாமை மற்றும் மூட்டு இணைப்புகளில் வீக்கம் ஆகியவை ஏற்படும்.

ருமடாய்டு ஆர்த்ரைட்டிஸ் நோய் உடலின் மற்ற பாகங்களையும் பாதிப்பதால் ஆயுள் குறையும் ஆபத்து உள்ளது.

மூட்டு நோய்கள் தடுப்பு மூட்டு நோய்கள் வரும் அபாயத்தைக் குறைக்க பல வழிகள் உள்ளன.

உடல் எடைக் குறைப்பு அதிகப்படியான உடல் எடை, உடல் எடையைத் தாங்கக்கூடிய மூட்டுகளின் இணைப்பை சேதமாக்குவதோடு இணைப்புகளின் இயற்கையான கட்டமைப்பையும் சேதப்படுத்துகிறது.

சரியான உடல் எடை நிர்வாகம், முழங்கால்கள், மற்றும் இடுப்பு, கைகளில் வரக்கூடிய மூட்டு வலிகளைத் தடுக்கிறது.

உடற்பயிற்சி தொடர்ந்து உடற்பயிற்சி செய்வது மூட்டு தசைகள் ஆரோக்கியமாக இருக்கச் செய்வதோடு, உடல் எடை சீராக இருக்கவும் உதவுகிறது.

மேலும் இவை மூட்டுகள் வீங்குவதையும் மூட்டுத் தசைகள் விறைப்படைவதையும் தடுக்கிறது.

ஆரோக்கியமான உணவு ஒருவருக்கு மூட்டு வலி வருவதில் அவருடைய உணவுப் பழக்கம் முக்கியப் பங்கு வகிக்கிறது.

காய்கறிகள், பழங்கள், தானியங்கள், சர்க்கரை, உப்பு, கரையக்கூடிய கொழுப்புகள் ஆகியவை சரியான விகிதத்தில் அடங்கிய ஆரோக்கிய உணவை உண்ண வேண்டும்.

வைட்டமின் மற்றும் தாது உப்புக்கள் (மினரல்ஸ்) சரியான அளவில் நம் உணவில் இருக்குமாறு பார்த்துக்கொள்ள வேண்டும்.

சமைக்காத பச்சைக் காய்கறிகள்/பழங்கள்/இயற்கை உணவுகள் இந்த நோய்க்கு அருமருந்தாக விளங்குகிறது.

மேலும் சில யோசனைகள் மூட்டு இணைப்புகளுக்குச் சேதம் ஏற்படாமல் பார்த்துக்கொள்ள வேண்டும்.

உங்கள் உடல் எடை அனைத்துப் பக்கமும் சீராக இருக்கும்படி உங்கள் உடல் அமரும் நிலை மற்றும் இதர உடல் நிலைகளை அடிக்கடி மாற்றிக்கொள்ளவும்.

உடற்பயிற்சி செய்யும் முன் அதற்கான தகுந்த ஆரம்பப் பயிற்சிகள் (warming up exercises) செய்யவும்.

மூட்டு நோய்கள் பற்றிய சில தவறான நம்பிக்கைகள் இந்த நோய் வயதானவர்களுக்கு மட்டும் வரும் என்பதில்லை.

மூட்டு ஜவ்வு தேய்வதால் ஏற்படக்கூடிய மூட்டுவலி குறிப்பாக வயதானவர்களுக்கு வருகிறது.

ஆனால், மற்ற மூட்டுவலி வகைகளான ருமடாய்டு, ரியேக்டிவ் ஆர்திரைட்டிஸ் போன்றவை இள வயதினருக்கும் வருகிறது.

குளிர் காலநிலையால் வருகிறது குளிர்கால நிலையால் மூட்டு நோய்கள் வருவதாக பலர் நினைக்கிறார்கள்.

குளிர்கால நிலையில் மூட்டு இணைப்புகளின் விறைப்புத்தன்மை அதிகமாகி அதனால் வலி அதிகமாகலாம்.

குளிர்கால நிலையால்தான் மூட்டுவலி வரும் என்றால், குளிர்ப்பிரதேசத்தில் வாழும் அனைவருமே இந்த நோயால் பாதிக்கப்பட்டிருக்க வேண்டுமே!

மூட்டு நோய்களுக்கு சிகிச்சை இல்லை மூட்டு நோய்களின் ஒவ்வொரு வகைக்கும் தற்போது மருந்துகள் உள்ளன.

மூட்டுவலி நோயாளிகள் உடற்பயிற்சி செய்யும்போது வலி எடுப்பதால், அவர்கள் உடற்பயிற்சி செய்யக் கூடாதா?

பயிற்சிகள் மூட்டு இணைப்புகளிலுள்ள விறைப்புத் தன்மையைக் குறைத்து மூட்டுகளின் அசையும் தன்மையை அதிகரிக்கிறது.

மூட்டு நோய்கள் வராமல் தடுப்பதற்கும், குணப்படுத்துவதற்கும் மூட்டு இணைப்புகளை உறுதிப்படுத்துவது மிகவும் அவசியம்.